DAVAO CITY – Gipusil patay sa wa mailhing suspek ang usa ka lalaki sa Purok 4, Barangay Bangkerohan Sur, Montevista, Davao del Oro.
Giila ang biktimang si Sargeant Rene Herena Asio, 32 anyos, usa ka sundalo, taga-San Jose, Montevista, Davao de Oro.
Sumala sa imbestigasyon sa Montevista Municipal Police, pasado alas-8 sa gabii niadtong Sabado, nagpalit lamang ug tambal sa usa ka botika ang biktima.
Dihang miduol kaniya ang suspek ug sa walay paglangan, gipusil sa makadaghang higayayon ang biktima sa ulo ug mihawa dayon ang namusil nga suspek.
Pagkahuman, misutoy kini sakay ang usa ka motorsiklo sa iyang kaubanan ug dali nakalingkawas gikan sa crime scene.
Dali-daling gitabang ang biktima sa Davao de Oro Provincial Hospital-Montevista apan gideklara na siyang dead on arrival.
Napalgan sa crime scene ang pito la mga basyo sa bala sa kalibre. 45 ug duha ka fired bullet.
Nagpahinabo gihapon ang halawom nga imbestigasyon sa kamatayon sa biktima.
via || Bombo LJF
