DAVAO CITY – Gikabalaka ang ubay-ubay nga pagsaka sa ihap sa mga suicide cases dinhi sa Davao City. Sumala pa ni Davao City 2nd District Councelor Richlyn “Che-che” Justol, ang adlaw-adlaw nga pressure sa tanang buluhaton sa trabaho, iskwela og sa panimalay ang nagdala sa matag indibidwal sa tumang kakapoy, kabalaka ug depresyon.
Lakip sab niini ang ginapangita nga self-validation sa social media. Dugang pa sa konsehal, dili lamang matataw ang kahimsog sa piskal nga aspeto, kon dili sa aspetong mental na sab sa tawo.
Awhag karon ni Justol nga hatagan og pagtagad ang mental health sa tawo pinaagi sa pakighinabo o pakig-istorya kanila ug kaninayong pagpahinumdom kanila nga masagubang nila ang bisan unsa nilang giagian.
Abli kanunay ang mga hotlines nga gitagana sa city government alang sa bisan unsang gihambing nga mental health concerns. Samtang nagtanyag ang Philippine Mental Health Association-Davao chapter ug libreng konsultasyon, counseling, ug psychotherapy services.
Sumala sa datos, nakatala ang Davao City og pinakataas nga ihap sa mga suicide cases nga miabot sa 25 kaniadtong 2016, nga nisaka sa 38 kaniadtong 2017. Samtang natala ang 53 ka mga kaso ning nakalabayng tuig.
Kahinumdumang natala sab karong bulan lamang ang kaso sa usa ka lalaki nga napalgang patay human gikutlo ang iyang sariling kinabuhi sa may Coastal Road ning dakbayan.
