Gi-aprubahan na sa House of Representatives of the Philippines sa ikaduhang pagbasa ang sugyot nga wagtangon na ang travel tax, nga gituohang makapahupay sa galastohan sa mga Pilipinong biyahero.
Atol sa plenary session kagahpong adlawa, naaprubahan pinaagi sa viva voce o voice vote ang House Bill No. 8464, nga gi-isponsoran ni Eleandro Jesus Madrona, chairman sa House Committee on Tourism.
Kung mahimong balaod, paga-papason ang travel tax nga gipahamtang ubos sa Presidential Decree No. 1183 ug mga probisyon sa Tourism Act of 2009.
Sa kasamtangan, ang travel tax moabot sa P2,700 alang sa first-class passengers ug P1,620 alang sa economy class travelers.
Sumala kang Majority Leader Cong.Ferdinand Alexander Marcos, ang travel tax usa ka daan na nga pinansyal nga palas-anon sa mga pasahero matag byahe.
