DAVAO CITY – Sugdan na sa lokal nga panggamhanan ang screening alang sa mga benepisiyaryo nga makadawat ug libre nga hearing aids sa Agosto 13.
Gi-awhag ni konsehal April Marie Dayap ang mga adunay hearing disabilities nga magparehistro sa programa pinaagi sa US-based Starkey Hearing Foundation.
Himuon ang screening hangtud sa Agosto 15. Gitino ni Dayap nga kinahanglan ang maong screening gumikan kay adunay mga indibidwal nga dili kwalipikado nga mosuot ug hearing aids.
Hatagan sab sumala pa ang mga benepisyaryo ug lifetime nga replacement sa battery nga libre. Kabahin sumala pa sa memorandum of agreement tali sa Starkey ug City Government mao ang pagpili ug usa ka personahe gikan sa City Health Office nga maoy mo-cater sa mga adunay concern sa ilang mga hearing aids.
Gikanayong ang himuon lamang sa lokal nga panggamhan samaong proyekto mao ang accommodation sa mga guests atol sa screening.
Laoman sumala nga anaa sa 400 ka mga indibiwal ang ma-cater atol sa ipahigayon nga screening.
Gihatagan sab ug katin-awan ni Dayap nga dili lamang kini alang sa mga taga dakbayan sa Davao, apan mamahimo sab nga makapahimulos niini kadtong nanimuyo sa mga kasikbit nga rehiyon.
Dili lamang sumala pa mga kabus ang mamahimong maka-avail niini kung dili lakip na kadtong adunay maayo nga pamuyo apan walay sarang nga ikagasto.
