DAVAO CITY – Gumikan sa walay undang nga pagbundak sa ulan, nakasinate ang pipila ka bahin sa dakbayan ug street flooding diin usa sa naapektohan niini ang checkpoint sa Task force Davao (TFD) sa Sirawan Toril ning dakbayan sa Davao.
Kahinumduman nga pasado alas dies kagabie, dili passable ang nahisgutan nga dala human nga nakasinate kini ug grabe nga pagbaha ug aduna pay mga bato nga nanga-anud.
Gawas sa nahisgutan nga lugar, una na sab nga nakasinate ug street flooding ang Tibungco ning dakbayan ug uban pang mga kadalanan sa siyudad.
Gawas sa dakbayan sa Davao adunay pipila sab ka mga lugar sa Davao del Norte ug Davao oriental ang nakasinate ug mga pagbaha.
Una ng nasayran sa PAG-ASA nga ang nasinatian nga mga pag-ulan sa pipila ka parte sa Mindanao ang hatud sa Inter-Tropical Convergence Zone (ITCZ).
Nagpahimangno na lamang ang ahensiya nga kanunay mag-igmat ug magdala ug proteksiyon sa kaugalingon sa higayon nga mobiyahe.
