DAVAO CITY – Pabilin pa gihapon karon ang pagpaningkamut sa Municipal Government sa Santo Tomas sa Davao del Norte aron nga makumbinsi ang tigulang sa lalawigan nga magpabakuna batok covid-19.
Una ng gibutyag sa Municipal Information Office nga sa 10, 609 senior citizens sa lugar, anaa pa lamang sa 1, 378 ang mga buot mo-avail niini.
Kini ang hinungdan nga mi-apela ang lalawigan sa tanan nga mga senior citizens sa Santo Tomas nga pahimuslan kini aron nga malikayan ang kamatayon.
Nasayran nga sagad sumala pa sa mga COVID-19 positive patients sa Santo Tomas ang mga seniors sanglit ang mga nahisgutan ang delikado nga matakdan ug infection ug maoy hinungdan sa ilang kamatayon.
Sagad sab sa mga namatay ang nakaangkon sumala pa ug seryoso nga komplikasyon sa coronavirus ilabi na sa ilang pangidaron ug comorbidities.
Una na sab nga nanawagan si Municipal Administrator lawyer Elisa Evangelista-Lapiña sa tanan nga mga Barangay Local Government Units nga mohimo sab ug pagpaningkamut aron nga kumbinsihon ang mga tigulang sa ilang lugar nga depensahan ang ilang kaugalingon sa pagbatok sa covid-19.
