DAVAO CITY – Daghanan na ang naghinam-hinam sa gikatakda nga pag-abli sa P40 million state-of-the-art Library and Information Center sa lokal nga kagamhanan nga laumang ablihan sa publiko sa bulan sa Marso ug Abril niining kasamtangan nga tuig.
Kini ang gibutyag ni Salome Enoc, OIC City Librarian dungan sa pagbutyag nga kini ang modern library nga adunay Café sa first floor; amphitheatre ug informal reading room alang sa mga baya ug hamtong sa second floor; ug information technology center ug conference room sa fourth floor.
Nahimutang sab sa gambalay ang organic garden sa roof deck. Gikanayong gipahimutang ang maong garden aron pag-edukar sa mga bata nga mahinungdanon ang urban container gardening.
Daghanan sumala pang mga libro nga mamahimong mabasa sa publiko ang ipahimutang gambalay diin kadaghanan niini ang gidonar.
Nahimutang ang bag-ong library sa kanhi Central 911 Building sa C. Bangoy Street, atubangan sa Davao Light and Power Company.
Gikatakda kini nga ablihan sa mga mahilig magbasa nga mga bata ug seniors.
Nasayran nga ang old city library nga nahimutang sa third floor sa Sangguniang Panlungsod building ang unang ng nakadawat ug international award isip Star Libraries.
Sa tuig 2019 nakadaug sab kini ug Malasakit Award nga gihatag sa National Library.
