Gipailalom sa state of emergency ang kapital sa Lima ug probinsya sa Callao sa Peru, aron planuhan ang mga lakang batok sa nagkataas nga kaso sa krimen.
Gipahibalo kini ni President Jose Jeri, homan sa usa ka protesta kung diin usa ka tawo ang namatay ug 100 ang gikatalang nasamdan.
Walay gihatag nga dugang detalye ang presidente, gawas sa pagpadala ug mga sundalo ug kapulisan sa Lima ug Callao aron mapabilin ang seguridad ug kaluwasan sa publiko.
Nanumpa si Jeri isip bag-ong pangulo sa Peru homan napalagpot sa pwesto si kanhi Pangulong Dina Boluarte ug mitudlo dayon kini ug bag-ong kabinete kung diin nag-unang prayoridad ang pagsumpo sa krimen.
Samtang dili kini ang unang higayon nga nagdeklara ug state of emergency sa Peru, gumikan kay gihimo usab kini kaniadto ni Boluarte apan adunay dili insaktong epekto aron makunhuran ang krimen.
