Gibutyag sa Office of the Sergeant-at-Arms (OSAA) sa Senado nga ipadayon niini ang pagpahigayon og random drug testing sa mga empleyado og kawani human sa mga report nga usaka staff sa Senado ang nanigarilyo og marijuana sulod sa premises niini.
Sumala sa OSSA, mosumite sila og report sa Senate President sa labing madali nga panahon ug mohatag usab og mga update ngadto sa media labot sa gihimong imbestigasyon.
Subay sa report, nasubay sa pipila usab ka mga empleyado sa OSSA ang baho sa marijuana gikan sa opisina sa usaka senador, kung diin nakita ang usa ka staff sulod sa banyo sa opisina sa senador.
Apan, gikatarungan sa staff nga naggikan lamang ang maong baho sa air freshener, butang nga wala gituohan usab sa mga epleyado og gikatahapan nga gi-flush na sa toilet bowl ang ebidensiya aron walay makuha gikan kaniya.
Gitin-aw usab niini nga wala siya gipatawag sa OSAA, kung dili kabubut-on niya nga moadto aron kompirmahon kung ang iyang opisina ba ang gitumbok sa maong insidente ug makuha ang kopya sa incident report.
Kini gumikan kay mopahigayon na usab ang ilang buhatan ug kaugalingon nga imbestigasyon labot sa issue. Gikanayon ni Sergeant-at-Arms Aplasca, padayon pa ang ilang imbestigasyon og sa higayon nga mahuman na kini, mosumite sila ug report kang Senate President Chiz Escudero.
