Gipasabot sa labaw sa SSS ang kamahinungdanon sa 1% nga pagsaka sa kontribusyon gumikan makadugang kini sa benepisyo sa mga miyembro gawas sa nagasubay sab kini sa balaod.
Ang Presidente ug CEO sa SSS nga si Robert Joseph de Claro nipasabot nga ang pagsaka sa kontribusyon adunay long term ug short term benefits alang sa mga miyembro.
Bisan pa sa panawagan nga suspensihon una kini.
Diin giingon nga P400 ang idugang sa binuwan nga pensyon sa mga pensioner.
Gipahibalo usab ni De Claro nga adunay epekto sa mga sakop sa SSS kung dili ipatuman ang pagsaka sa kontribusyon nga 1% sugod niadtong Enero 1, 2025.
Nagatuo si De Claro nga mao na kini ang kataposang pagpatuman sa SSS sa pagsaka sa kontribusyon.
Gani, nanawagan si De Claro sa mga magbabalaod nga suportahan ang contribution subsidy program nga ilang gipasiugdahan.
Dugang pa ni De Claro nga imbes ipasiugda ang pagsuspenso sa kasamtangan nga kontribusyon, ang mga magbabalaod kinahanglang motabang sa pag-subsidize sa umento sa benepisyo sa mga sakop sa SSS.