DAVAO CITY- Nagkadaiyang mga sports event ang gipahigayon sa capitol grounds sa Provincial Local Government Unit sa Davao de Oro atol sa pag-abli sa Sportsfest 2022.
Gikalipay kini pag-ayo sa mga empleyado gumikan human sa duha ka tuig, subli kining gipahigayon. Anaa sa upat ka mga teams ang misalmot sa kompetisyon diin gipanguluhan kini sa nagkadaiyang opisyales ug opisina sa kapitolyo.
Sa unang kompetisyon, nasakmit sa Team Captain America ang kampyeonato sa Sayaw Tiktok Competition. Ikaduha nga pwesto ang Team Hulk samtang ikatulo ang Team Iron Man ug ika-upat ang Team Thor.
Personal sab nga mitambong si Governor Dorothy Montejo-Gonzaga sa maong sports event diin gikanayon niini nga daan nang nakab-ot sa mga empleyado ang kadaugan pinaagi pa lamang sa ilang pagpaningkamot sa nagkadaiyang kompetisyon.
