DAVAO – Padayon nga nagkinahanglan karon ang Southern Philippines Medical Center (SPMC) ug dugang mga nurse aron mas matutukan ang nagka-taas nga ihap sa kaso sa Coronavirus Disease (COVID-19) patients sa ilang pasilidad.
Gikanayon ni SPMC officer-in-charge Dr. Ricardo Audan, kinahanglan nga pun-an nila ang ilang mga nurse gumikan kay nagtrabaho na ang mga nahisgutan sa lampas walo ka oras matag shift aron lang maatiman ang mga COVID-19 patients.
Dugang pa ni Audan, bisan ug nasabtan sa mga nurse ang pagtrabaho ug lampas na sa oras gumikan sa pandemya, mobati na usab ang ga nahisgutan ug tumang kakapoy.
Gikanyon niini nga ang ratio sa nurse ug pasyente ang one is to 25 apan karon lampas na sa nahisgutang ihap sa pasyente ang gi-atiman sa matag nurse. Dugang pa sa hepe sa maong ospitalo nga mamahimo nilang pun-an ang bed- capacity sa ilang pasilidad apan dili lamang gihapon kini magamit kung kulang ang gidaghanan sa ilang mga nurse.
Aron mapun-an ang kakulangon, gikanayon sa opisyal nga una na silang nangayo ug tabang sa Police Regional Office 11 ug Bureau of Fire Protection 11 aron manghulam ug ilang mga personahe nga mga registered nurse ug, hinanali usab nga nagpadala ang nahisgutang mga ahensiya ug 32 ka mga personahe.
Dugang pa ni Audan, nangayo usab sila ug tabang sa Department of Health Central Office gumikan kay andam na na sumala pang ihatag ngadto kanila sa Davao City Government ang 10 container vans nga maka-accomodate ug 80 ka mga pasyente.
