DAVAO CITY – Gumikan kay nakatala na ang dakbayan ug kaso sa Delta variant sa covid-19, hugtanon na sab ang gihimong pagpangandam sa Southern Philippines Medical Center (SPMC) ilabi na ang mga lawak diin ipahimutang ang mga pasyente nga natakdan sa mas makatakod nga variant.
Bisan nga adunay pag-ubos sa kaso sa covid-19 ang dakbayan, dili pa gihapon angayan nga mokumpiyansa ilabi na nga aduna nay nakasulod nga delta variant sa siyudad.
Samtang una ng gibutyag ni Dr. Ricardo Audan, hepe sa SPMC, nga plano nila nga ilahi ug lawak ang mga pasyente nga natakdan ug delta variant kini aron nga mapugngan ang posibleng pagkatag sa kagaw.
Sa kasamtangan, nangandam na ang ospital kung pila ka mga hospital beds ang ilang ipahimutang ingon man okupado na sab sila sa pagdugang ug mga medical staff.
