DAVAO CITY – Nangandam na karon ang Southern Philippines Medical Center (SPMC) sa mamahimong impact sa general community quarantine (GCQ) diin laoman sumala pa ang pagsaka sa coronavirus disease (Covid-19) cases.
Sumala pa kang SPMC chief Dr. Leopoldo Vega, nangandam na sila sa mga sumbanan aron nga masiguro ang delivery sa medical services ingon man ang posibleng pagsaka sa respiratory infection sa siyudad ug sa rehiyon.
Gi-andam na matud pa nila karon ang dugang pa nga mga beds alang sa Covid-19 ingon man gi-andam sab nila karon ang lain pa nga RT-PCR (reverse transcription polymerase chain reaction) machine.
Kahinumduman nga nakapalit na ang SPMC ug dugang 16,000 RT-PCR test kits nga usa ka gold standard sa pag-detect sa presensiya sa virus ug makapagula ug mas accurate nga resulta.
Bisan nga adunay uban nga nagsadya sa transition sa siyudad ngadto sa GCQ, pipila usab sa mga residente ang mibati ug kahadlok gumikan sa posibilidad nga mosaka pa ang kaso sa virus.
Sa kasamtangan, adunay kinatibuk-ang 12 ka mga quarantine centers sa siyudad nga adunay 530-bed capacity diin mamahimo kini nga maka-cater ug mga suspected, probable, ug infected Covid-19 patients.
