DAVAO CITY – Plano karon sa Southern Philippines Medical Center (SPMC) nga mopartisipar sa Phase 3 sa clinical trials alang sa potential coronavirus disease (COVID-19) vaccines sa pilipinas.
Sumala pa kang Dr. Ricardo Audan, SPMC officer-in-charge sa government-run hospital, ang SPMC ang usa sa mga trial sites alang sa large-scale clinical trials sa potential vaccines.
Gikanayon sab ni Audan nga sa milabay nga semana, nakadawat sila ug letter gikan sa Department of Science and Technology-Philippine Council for Health Research and Development (DOST-PCHRD) aron nga ipahibalo nga ang SPMC napili isip trial site.
Una ng gibutyag sa Department of Health nga kumpirmadong usa ang Pilipinas sa mga mopartisipar sa Solidarity Trial for Vaccines sa World Health Organization (WHO) isip pagpaningkamut aron nga makamugna na ug bakuna batok sa makamatay nga virus.
Gikanayong ang DOST-PCHRD maoy gitahasan nga mopahigayon ug clinical trials.
Dugang niini nga ang hospital kinahanglan mo-comply sa mga rekisitos sa DOST-PCHRD sa higayon nga magsugod na ang trials.
Gitataw sab sa nahisgutan nga ang DOST-PCHRD aduna nay potensiyal nga mga bakuna nga mamahimong i-test sa SPMC.
Kahinumduman nga ang Gamaleya Research Institute from Russia, Jannsen Pharmaceuticals Companies sa Johnson & Johnson gikan sa United States, ug Sinovac gi9kan sa China ang mi-apply nga magpahigayon ug clinical trials dinhi sa nasod.
Ang 1,500-bed SPMC mao ang pinakadako nga government hospital nga mamahimong maka-cater ug mga patient-referrals gikan sa uban nga rehiyon gawas sa Davao ug maoy pinakadako nga COVID-19 referral hospital sa Mindanao.
