SPMC mipakita og kaandam sa higayon nga adunay matalang kaso kalabot sa misteryosong sakit gikan China

DAVAO CITY – Nagpakita sa ilang kaandam ang pamunoan sa Southern Philippines Medical Center (SPMC) sa higayon nga adunay matalang kaso sa misteryosong sakit nga gikan sa China nga susama sumala pa sa pneumonia.

Sumala pa kang Dr. Ricardo Audan, chief of Clinic sa SPMC, andam kanunay ang ilang Isolation building aron mo-cater og mga pasyente nga adunay sakit nga makatakod.

Nasayran nga gitukod ang maong gambalay aron nga daling mamonitor ang mga pasyente nga nagdala sa mga balatian nga daling makatakod sama sa SARS, Mers-Cov, Ebola virus ug daghanan pa.

Gitambagan na lamang ni Audan ang publiko nga aron mapabilin nga baskog ang lawas batok sa bisan unsa man nga sakit, kinahanglan nga mokaon kini og mga masustansiya nga pagkaon.