DAVAO CITY – Manguna ang Southern Philippines Medical Center sa mga kalihukan atol sa paghunumdom sa National Cancer Awareness Month karong bulan sa Pebrero.
Gikanayon ni Dr. Mae Dolendo, ang head sa SPMC cancer care committee, mahinungdanon ang pagpahigayon og mga aktibidad diin makasayod ang publiko mahitungod sa sakit nga kanser, sagad usa kana sa mga hinungdan sa kamatayon sa Pilipino.
Pipila sa mga klase sa kanser ang gikamatyan sa tawo mao ang kanser sa baga, prostate, colon, cervical ug breast cancer.
Kahinumduman sab nga gipirmahan sa susamang bulan kaniadtong 2019 ni kanhi Pangulong Rodrigo Duterte ang Republic Act 11215 kon National Integrated Cancer Control Act, usa ka nag-unang balaod nga maghatag og hinabang ug suporta sa pagpa-alim sa mga cancer patients dinhi sa nasud.
Karong bulana, giaghat ang mga Dabawenyo nga magpa-screening alang sa sayong pagpanambal batok cancer. Ipahigayon karong adlawa, Pebrero 15, ang International Childhood Cancer Awareness Day Celebration.
Maglusad sab ug mga indigay ug information campaigns atol sa National Cancer Awareness Month, samtang usa ka caravan ang ipahigayon karong Pebrero 28 sa SPMC.
via || Bombo LJF
