Giila ang Southern Philippines Medical Center isip usa sa mga nag-una nga ospital sa nasud nga kabahin kini sa top 30 hospitals. Ang pagkahimong “top hospital” nagpasabot sa kalidad sa healthcare services nga ilang gihatag lakip na ang emergency care, specialized treatment, ug public health programs.
Ang maong pag-ila nagpakita sa padayon nga pag-uswag sa serbisyong medikal sa SPMC, ilabi na sa ilang kapasidad sa pag-atiman sa daghang pasyente, advanced nga pasilidad, ug dedikasyon sa mga health workers.
Ilado ang SPMC isip labing dako nga government hospital sa Pilipinas, nga nagserbisyo dili lamang sa Davao Region kundili lakip usab sa ubang bahin sa Mindanao.
Dugang pa, usa kini ka dakong tabang sa publiko, ilabi na sa mga pasyenteng nanginahanglan og barato ug dekalidad nga serbisyong medikal.
Sumala kang Dr. Maria Elinore Concha, ang maong pag-ila nagpakita sa kalidad sa serbisyo nga gihatag sa mga Dabawenyo nga nailhan sa episyente nga pag-alagad ug lig-on nga komitment sa kaayohan sa ilang healthcare workers.
Gibutyag usab nga ang kalampusan sa SPMC resulta sa padayon nga paningkamot sa ilahang medical staff ug sa ilahang dedikasyon sa paghatag og dekalidad ug accessible nga healthcare sa publiko.
