DAVAO CITY – Ginahan-ay na sa Southern Philippines Medical Center (SPMC) ang pag proseso sa mga papeles alang sa ikaduhang molecular Laboratory sa Covid-19 test syudad.
Kini aron mamahimong fully functional matud pa ang laboratoryo diin ginahulat na lamang niini ang sertipikasyon gikan sa Department of Health (DOH).
Gikaingon nga kaya niini iproseso ang kapin 1,500 hangtod 2,000 ka mga specimen sa Covid-19 matag adlaw.
Kahinumdoman nga una ng gitataw sa SPMC nga gumikan sa kakulangon sa ekipo madugay ang pag proseso sa specimen sa Covid-19.
Gibutyag ni SPMC OIC Dr. Ricardo Audan, dako matud pa kini og tabang gumikan nga dili lamang ang syudad ang gina-cater niini ingon man ang tibuok Mindanao.
Nagalaom sab ang balay tambalanan nga mas mapadali na niini ang pag proseso sa mga testing sa Covid-19 aron mahatag na gilayon ang resulta ngadto sa katawhan nga nanghinahanglan og negatibong resulta sa Covid-19.
Gawas niini, mas mapadali na sab ang pagtamabl sa mga indibidwal nga matalang nataptan sa makamatay nga sakit.
