DAVAO CITY – Hingpit na karon nga gi-ablihan sa Southern Philippines Medical Center (SPMC) ang ilang 22 beds sa ilang modular hospital nga giilang dakong tabang aron nga maakomodar ug dugang pa nga mga pasyente nga nangatakdan ug Covid-19.
Kahinumduman nga halos napuno na karon ang hospital sa beds sa SPMC gumikan sa daghanan nga kaso gawas nga ginahimo sab kini isip referral hospital.
Una ng gitukod ang modular hospital aron nga makapangam ang siyudad sa higayon nga adunay pagsaka sa mas makatakod nga delta variant.
Samtang mapasalamaton sab ni SPMC chief Ricardo Audan ngadto sa Bureau of Customs (BOC) sa gidonar nila nga kapin 30 ka mga hospital beds nga magamit sab sa modular hospital.
Apan luyo niini, bugtong problema lamang karon sa balay tambalanan ang kakulangon nila ug mga medical staff hinungdan nga nanawagan si Audan sa mga migradwar ug nurse bisan kadtong walay mga lisensiya nga mo-apply lamang aron nga mapun-an ang ilang mga personahe nga mo-atiman sa mga pasyente.
