Usa ka talagsaong startup ang mipahibalo sa pinakaunang ‘sperm race’ sa kalibutan, usa ka lumba diin tinuod nga sperm ang magpasigarbohay, ug ipahigayon kini karong Abril 25 sa Hollywood Palladium sa Los Angeles.
Ang “Sperm Racing,” usa ka startup nga gitukod sa grupo sa mga batan-ong milyonaryo, mikumpirma nga ang mga representante gikan sa duha ka magkaribal nga unibersidad nga mao ang University of Southern California ug University of California, Los Angeles nga mao’y motagana sa mga microscopic nga “swimmers” alang sa unang Sperm Race.
Ipahigayon ang lumba ubos sa microscopic camera nga motutok sa matag sperm hangtod kini makalabang sa finish line.
Tulo ka rounds ang buhaton aron masuta kung kinsa ang overall nga mananaog, uban sa play-by-play nga komentaryo, instant replays, leaderboards, ug pagpusta pinaagi sa mga approved nga partners.
