Gibutyag ni Atty. Gay Enumerables, ang Assistant Regional Director sa COMELEC XI, nga anaa nay sumala pa gimugna nga special task force ang buhatan aron magmonitor sa mga kalihukan sa pagsugod sa local election campaign period, ilabi na ang pagbantay sa mga ginadili nga binuhatan susama sa vote buying.
Pagpaklaro sa opisyal, nga bisan pa man nga wala pa nagasugod ang period of prohibition karong umalabot nga Marso 28, ang vote buying susama na lamang sa pagpanghatag og mga bugas o lain pang ayuda nga adunay bili usa ka election offense.
Matud pa ni Enumerables, nga sa pagsugod sa maong period of prohibition, sutaon na sa buhatan ang kalihukan sa mga lokal nga kandidato mahitungod sa vote buying ug kalakip na usab ang mga katawhan nga mudawat niini.
Gani, gipasabot usab sa opisyal nga sa dihang madakpan nga nalambigit sa maong binuhatan ang maong kandidato, mamahimo kini mapahamtangan og tukmang kaso o disqualification.
