DAVAO CITY – Gi-anunsiyo sa Land Transportation Franchising and Regulatory Board (LTFRB) nga ang special permits alang out-of-line operators ang ihatag sa Mintal operators sa public utility jeepneys (PUJs) atol sa panahon sa 2019 Palarong Pambansa.
Kahinumduman nga sa gipagulang circular, gitugtan sa LTFRB ang tanan nga mga PUJ routes gikan “Mintal paingon sa Roxas Avenue ug vice versa” aron nga mag-operate sugod sa Roxas Avenue paingon sa Davao City University of the Philippines (UP) Sports Complex ug vice versa sugod sa Abril 27 hangtud Mayo 4.
Nahimo sumala pa kini nga posible human nga gitugtan ni City Administrator Zuleika Lopez ang maong hangyo nga motugoy sa Mintal PUJs nga mosulod sa sports complex, diin ipahigayon ang kadaghanan sa mga dula.
Gitugot sa LTFRB ang dugang pamasahe gikan sa Mintal Highway paingon sa Davao City-UP Sports Complex.
Sa mga regular passengers, anaa sa P6 ang pamasahe samtang P5 sa persons with disability (PWD), senior citizens, ug estudyante. Gipahimangnoan ni LTFRB-Davao OIC Regional Director Cattleya Acaylar ang mga driver nga istriktong motamud sa special fare rate.
