Gipahayag ni Atty. Reginold Tongol, spokesperson sa impeachment court, nga ang kasamtangang kahikayan sa Senado nagtugot kang Senate President Sherwin Gatchalian nga ipadayon ang pagdumala sa legislative agenda sa Senado, samtang si Senador Francis Escudero maoy motutok sa teknikal ug pamaaging aspeto sa impeachment proceedings batok kang Vice President Sara Duterte.
Sumala pa kang Atty. Tongol, ang maong kahikayan resulta sa kasabutan sa mayoriya sa Senado aron masiguro nga dili mapugngan ang pagbuhat sa Senado sa iyang katungdanan isip lehislatura bisan nagpadayon ang impeachment trial. Dugang pa niini, gipasiugda niya nga pinaagi sa maong setup, magpadayon ang normal nga pagtrabaho sa Senado samtang hapsay usab nga mapadayon ang proseso sa impeachment proceedings subay sa mga lagda ug pamaagi nga gitakda sa impeachment court.
