Nahagsa dayon ang South Korean won homan sa kalit nga pagdeklara niadtong milabay nga gabii sa emergency martial law ug pagbawi usab niini homan ang pipila ka oras.
Pipila ka oras pagkahoman sa nahisgutang kagubot, ang SoKor currency ang katugbang na sa 0.00071 dollar nga buot ipasabot, ang usa ka US Dollar ang mibalor sa 1,441 South Korean won.
Sa dihang wala pa kini nahitabo, ang usa ka US Dollar ang katugbang pa sa 1,402.9 apan mihagsa dayon ang nahisgutang currency gumikan na usab sa mga kagubot.
Sa kasamtangan, ginatun-an na sa mga financial authorities sa South Korea ang posibilidad sa pagserado sa mga stock market gumikan sa gilauman pang pag-ubos sa balor sa won.
Ubay-ubay na sa mga financial authorities ang nagbantay sa mosunod pa nga mga panghitabo aron makahimo ug tukmang tubag, sa higayong musamot pa ang tensyon sa South Korea.
