Mitaliwan na ang South Korean actress nga si Kim Sae-Ron human kini nakit-an nga wala na’y kinabuhi sulod sa apartment niini sa Seongdong-gu, Seoul.
Ang lawas sa 24-anyos nga aktres, kinsa bag-o lang nagpakita sa salida nga “Bloodhounds” nakit-an sa higala niini, kinsa mitawag dayon sa mga awtoridad.
Gikompirma sa kapolisan nga walay timailhan nga adunay nahitabo nga break-in ug padayon pa ang ginahimo nga imbestigasyon aron masuta ang hinungdan sa kamatayon niini.
Natawo kaniadtong 2000, ug nagsugod si Kim isip aktres kaniadtong 2009, nga maoy naghatag og dalan sa aktres sa paglusad sa karera niini sa industriya.
Dali kini nabantog sa mabulukon nga mga papel sa mga salida nga “The Man from Nowhere” (2010) ug ang makalilisang nga “The Neighbor” (2012), nga nagdala usab niini sa kaylap nga pag-ila.
Ang labing bag-o nga proyekto ni Kim mao ang “Bloodhounds,” nga gipagawas kaniadtong 2023, ug nakadawat og mga pagdayeg gikan sa mga fans ug mga kritiko.
Bisan paman niini, ang iyang karera sa pag-arte nahunong sa dihang ang usa ka aksidente sa awto nahitabo kaniadtong Mayo 2022.
Kini nga insidente adunay dakong epekto, ug nag-atubang og legal action.
Apan, kaniadtong Abril 2023, gimandoan sa korte si Saeron nga magbayad og multa nga 20 million won o gibana-banaan nga $13,850, nga nagtimaan usab sa katapusan sa karera sa aktres.
