DAVAO CITY – Nanawagan karun ug lalom nga imbestigasyon ang usa ka Non-Government Organization nga magpahigayon ug lalom mga imbestigasyon kalabot sa kamatayon ni Chad Booc ug sa lain pang mga kaubanan niini human nga migula sa otopsiya nga nakaangkon ang nahisgutan ug multiple gunshot wounds ug serious injuries atol sa nahitabong engkuwentro sa New Bataan Davao de Oro sa milabay nga bulan sa Pebrero niining tuig kasamtangan.
Sumala sa Save Our Schools Network (SOS) nga unta hatagan ug pagtagad sa Commission on Human Rights (CHR) ug uban pang independent bodies nga imbestigahan ang kamatayon sa mga nahisgutan nga ilang gituohan nga massacre ang nahitabo.
Kahinumduman nga gawas kang Booc, napatay sab sa maong insidente sila si Chad Booc, Gelejurain Ngujo II, Elegyn Balonga, Tirso Añar, ug Robert Aragon.
Sa gipagula nga preliminary findings sa forensic pathologist nga si Raquel Del Rosario-Fortun, migula nga acute blood loss due ang gikamatyag ni Booc gumikan sa naangkon niining mga samad pinusilan.
Aduna sab sumala pa kini fractures sa iyang ribs ug thoracic vertebrae ug nagkaproblema sab ang spinal cord niini.
Samtang nakaangkon sab sumala pa si Ngujo ug gunshot wounds ug napanit ang pipila ka bahin sa iyang tiyan ug to-o nga paa samtang si Balonga nag-antus ug injury sa iyang panga ug nose bridge samtang nabali sab ang tiil niini.
Wala sumala pay problema ang mga sakop sa militar sa higayon nga imbestigahan ang maong insidente. Gibarugan sab sa ilang bahin nga lihitimo ang nahisgutan nga operasyon.
