DAVAO CITY- Gikonsidera karong “inspiring” sa usa ka political analyst ang nahimong mensahe ni Pangulong Bongbong Marcos Jr. atol sa iyang State of the Nation Address, kaniadtong adlawng lunes.
Kini ang gikabutyag ni Ramon Beleno III, usa ka political analyst human nga nadungog ang mga maanindot nga pinulongan sa pangulo sa maong adlaw.
Sumala pa nga nasayod gayud ang pangulo sa mga topiko nga ginahulat ug gustong madungog sa katawhang pilipino rason nga una niiing gitagaan og pagtagad ang inflation sa nasud ug ang pag-ban sa POGO sa katapusang mensahe.
Apan bisan paman niini, gikabutyag sa nahistang analyst nga dili gihapon ikalimod ang matud pa kakulangan sa gipangbutyag nga datos ug mga proyekto sa pangulo hilabi pa nga makonsiderang “too good” ang gipangsaysay niini nga sukwahi sa tinood nga nabatian ug nasinatian sa katawhang Pilipino.
Matud pa nga mas labing maayo kung nihatag pa kini og lalom nga detalye kung unsaon pagtubag sa mga nag-unang problema aron makahatag og alibyu sa gipangbati sa katawhan.
Dakong pangutana sa nahisgutan ngadto sa pangulo mao ang asa mahimutang ang mga pilipino nga mawal-an og trabaho sa higayong ipasirado na kini.
Samtang gikahibulongan sab ni Beleno nga dili dayong mawla ang POGO gawas na lamang kung aduna kitay striktong implmentasyon sa pagpasulod sa mga chinese butang nga lisod sab snaglit ang mga chinese ang nag-unang mga turista sa Pilipinas.
Hinoon, gibutyag ni Beleno nga maayo ang pagdeliver sa mensahe ni Marcos apan medyo nakulangan lamang kini sa pipila ka mga aspeto.
