DAVAO CITY – Migula na ang autopsy report sa upat ka mga police nga gibanhigan patay sa mga rebeldeng New People’s Army (NPA) sa Sibayan, Bansalan, Davao del Sur.
Nasayran gikan kang Police Regional Office Eleven Director Police Chief Supt. Manuel Gaerlan ang na-grabehan sa pagkatosaktosak sa bala mao ang sakop[ sa SOCO nga si PO3 Jayden Mel Rabor human makahi-agum ug unse ka mga samad pinosilan gamit ang M16 armalite gikan sa layo ug M14 nga gikan sa doul.
Dugang pa ni Gaerlan nga pinasikad sa report sa Scene of the Crime Operatives (SOCO) nakahi-agum ug duha ka mgha samad pinosilan sa ulo si Rabor ingon man sa likod ug sa upper extremities, samtang ang driver sa mobile nga si PO1 Rolly Benelayo nakiahi-agum ug samad pinosilan sa iyang ulo.
Ang lain pang sakay sa mobile nga sila si PO1 Joey Narvasa ug PO1 Saro Mangutara dunay igo sa dughan, likod, tiyan ug lower extremities.
Karong Marso 24 gikatakda nga mopasaka ug kaso sa hukmanan ang kapolisan batok sa mga rebelde nga namanhig sa tropa.
Sumala pa kang Gaerlan kasong multiple murders ug Frustrated murder ang ilang iduso batok samga nangambus.
