DAVAO CITY – Dili na sab nahinayon ang gikatakda unta nga ulahing State of the Nation Address o (SOCA) ni Davao City Mayor Inday Sara Duterte-Carpio inay himuon na lamang niya mini sa bulan sa Marso dungan sa kasaulogan sa Araw ng Dabaw.
Gikanayong ang iyang SOCA karung tuiga ang mamahimong kabahin sa mga gihan-ay nga aktibidad sa nahisgutan nga okasyon.
Una ng nasayran nga ang mga aktibidad sa Araw ng Dabaw ang magsugod sa Marso 1 hangtud 3 apan dili pa mabutyag sa Mayor kung asa sa nahisgutan nga petsa himuon ang iyang SOCA.
Sama sa milabay nga tuig, himuon niya kini pinaagi sa live streaming sa City Government of Davao social media accounts sanglit wala matud pay tugutan nga makasulod sa Sangguniang Panlungsod gawas lamang sa pipila ka mga sakop sa technical team.
Una ng gibutyag sa opisyal nga taas-taas ang iyang mamahimong mensahe gumikan kay ilakip niini ang mga accomplishment ilalom sa iyang liderato sukad nga nahimo siyang Mayor kaniadtong tuig 2016.
Kahinumduman nga kaniadtong Oktubre 2021 ang orihinal nga petsa sa SOCA apan nasibog kini tungod sa pipila ka mga rason sama na lamang kaniadtong nagpositibo ang Mayor sa covid-19.
