Dakpan sa kapulisan ng usa ka snatcher pasado alas 9:00 sa buntag sa Datu Abing St. Calinan ning syudad.
Subay sa report sa kapulisan naila ang dinakpan nga si Jimson, 32-anyos, minyo, usa ka supervisor sa Work Expert Agency, nga residente sa Prk. 10, Brgy Los Amigos, Tugbok District,ning syudad sa Davao.
Samtang ang complainant giila nga si Susan, 61-anyos,single, usa ka candle vendor, nga residente sa Prk. 26, Datu abing St., Calinan, ning syudad.
Subay sa imbistigasyon sa kapulisan, samtang na,aligya ug kandila ang biktima atubangan sa Parokya sa Sacred Heart of Jesus niabot ang suspek ug nagpalit ug kandila ngadto kaniya.
Human sa pagbayad niini, kalit sumala pa nga gilabni ang kwentas sa complainant apan dali kining nabantayan ug gigunitan ang kamot sa suspetsado hangtod nga nagdinumugay ang duruha.
Atol sa maong panghitabo, narespondehan gilayon kini sa mga tawo nga anaa sa palibot hinungdan nga nadakpan ang suspek ug giindorso sa kapulisan.
Nasayran nga ang bulawan nga wentas ang nagkantidad kini og P80,000. Sumala pa sa otoridad, nakaangkon ang duha ug mga pangos ug bun-og sa ilahang kalawasan gumikan sa ilahang pagdinumugay. Sa karon ang dinakpan ang gipasakahan na ug tukamang kaso.
