Nababagan sa mga personahe sa Task Force Davao Sirawan Checkpoint kagahapon sa udto, ang usa sumala pa ka mga gituohang smuggled nga sigarilyo nga gisulayan og palusot dinhi sa syudad sa Davao.
Nasayran nga ang maong nasikop nga drayber maoy gikan s Zamboanga City, human nga naispatan sa mga otoridad ang kargang pila ka reams sa usa ka brand sa sigarilyo sa passenger side sa gimanehong PUV.
Subay sa report sa mga otoridad, nga sa dihang nasita ang driver sa maong sakyanan, miangkon sumala pa kini dayun nga ‘smuggled’ ang mga kargang sigarilyo ug naka-order na ang maong mga produkto.
Apan sa pagsuta niini, nakita ang daghan pang reams sa sigarilyo sa luyong bahin sa maong sakyanan, hinungdan nga gipahibalo gilayon ang mga sakop sa Bureau of Customs.
Subay na sab sa gipahigayong inventory sa BOC, mukabat sumala pa sa kinatibuk-ang ihap sa mga sigarilyong nakumpiska ngadto sa 1,305 ka mga reams, diin mubalor sa P1,025,469 ang kantidad niini.
Kahinumdoman nga sagunson na sab nga nababagan sa mga checkpoints ang mga ginatuohang ginapalusot nga mga sigarilyo sukad niadtong Disyembre 23 ug 24 diin mukabata na sa kapin P5-milyones ug kapin P3-milyones ang kantidad.
