DAVAO CITY – Gitago sa kadumalahan sa San Miguel Corporation Coal-fired Power Plant sa Barangay Culaman, Malita Davao Occidental nga ang naghinobra nga pagpundo ug carbon kon coal ang hinongdan nga kaylap ang dautan nga baho sa planta.
Inay nga angkunon gipasangil na lamang sa kadumalahan nga nadaut ang ilang planta ug kinahanglan nga makompone.
Nasayran nga coal nga gikan sa nasod Malysia ug Indonesia ang carbon nga gi-angkat sa SMC coal-fire power plant sa Malita.
Kini mismo ang gibutyag sa director sa Environmental Management Bureau Department of Environment and Natural Resources (EMB-DENR) Office ubos kang Director Melotondia Torvilla.
Kini ang nadiskobrehan sa iyang mga inspector nga mihimo ug pakisusi sa coal-fired power plant human masayri nga misugod na ang commercial operation niini.
Nasayran nga sa 150 ka megawatts nga kapasidad sa mamugna nga power, apan 75 ka megawatt lamang ang gipalit sa National Grade Corporation of the Philippines.
Gumikan sa dautan nga baho gikan sa planta, mi-reklamo ang mga residente nga nanimuyo doul lamang sa planta.
