DAVAO CITY – Nagpasida-an si Department of Health on Covid-19 focal person Dr. Ashley Lopez sa mga kompanya ingon man sa mga ahensya sa gobyerno nga hugtanong ipatuman ang skeletal workforce sa mga trabahoan sa dakbayan sa dabaw.
Kini human matud pa nga daghang ang mga gikatala nga mga empleyadong nag positibo sa Covid-19.
Sumala sa pahayag ni Lopez nga anaa pa gihapon sa General Community Quarantine (GCQ) ang dakbayan gumikan nga kinahanglan gihapon nga mutamod ang mga kompanya sa pagpatuman sa skeletal workforce. Kahinumdoman nga base sa gipagula nga Executive Order 56 sa syudad kini ang pagplastada sa alternatibong work arrangement sa pribado ug publikong mga opisina.
Gitataw sa opisyal nga midaghan na ang natala nga mga indibidwal nga nagpositibo sa nahisgutan nga sakit partikular na niini ang mga empleyado diin nasuta nga ang mode of transmission niini gikan sa ilang trabahoan.
Kalabot niini padayon nga nagpahimangno ang mga otoridad nga mutamud sa guideline ubos sa GCQ ug hugtanon nga iimplementa ang skeletal workforce ug pagtuman sa health protocols batok Covid-19.
