DAVAO CITY – Gi-awhag karon sa Davao City Sports Division ang mga mahiligun ug skating nga kinahanglan mutamud sa mga polisiya nga gihan-ay sa lokal nga kagamhanan arun masiguro nga ma-protektahan ang kaugalingon batok sa kagaw.
Kahinumduman nga hingpit na nga ablihan sugod karung adlawa ang skate park sa siyudad nga temporaryong gipasirad-an sulod sa duruha ka tuig gumikan sa hulga sa Covid-19.
Una niini, adunay gipahimutang nga mga tarpaulin sa lugar nga magsilbing giya sa mga musulod sa parke sama na lamang sa pagtamud sa minimum public health standard.
Nagpadayag sab sa ilang kalipay ang mga mahiligon sa skate boarding dili lamang sa dakbayan sa Davao kung dili lakip na sa uban nga parte sa rehiyon nga nagadayo dinhi sa siyudad gumikan kay gawas nga nindot ang skate park, luwas usab kini kanila.
Samtang subay sa schedule, abli ang skate park sugod alas otso sa buntag hangtud na sa alas nuebe sa gabie matag weekdays.
Apan ang mga minor de edad tugtan lamang sa alas tress a hapon hangtid alas otso sa gabie.
Samtang sa weekends, abli ang parke sugod alas otso sa buntag hangtud na alas 10:00 sa gabie.
Sa mga minor de edad, tugtan lamang kini sugod alas otos sa buntag hangtud alas singko sa hapon.
Gitino sa lokal nga kagamhanan nga libre lamang ang pagsulod sa lugar.
