DAVAO CITY – Nangayo og pasaylo sa katawhan si Davao del Norte Sangguniang Kabataan Federation President Emerson Dave Silutan human sa gikalambigitang aksidente sa gi-isyu niini nga government vehicle sa Suaybaguio Riña Elementary School, Magugpo North, Tagum City.
Sa iyang privilaged speech atol sa regular session sa Sanggunian Panlalawigan kagahapon, gipaklaro niya nga dill lango sa ilimnong makahubog o naka-droga ang nagmaneho sa sakyanan nga si James Sarucam dihang nahitabo ang maong insidente kaniadtong Marso 21.
Nakig-istorya sab si Silutan sa principal sa maong tulunghaan alang sa settlement samtang gisugdan na sab ang pag-repair sa nagubang pader.
Nangayo sab og kapasayloan ang opisyal ngadto kang Governor Edwin Jubahib, Vice Governor Oyo Uy lakip na sa mga kaubanan niini sa Sanggunian Panlalawigan, mga empleyado sa kapitolyo ug sa katawhan sa probinsya tungod sa nahitabong insidente.
Una nang nagpasidaan ang gobernador nga kinahanglang manubag ang opisyal sa Sangguniang Kabataan ug ang iyang mga kaubanan human nawad-an og kontrol ang government issued nga sakyanan nga nakaguba sa pader sa nahisgutang iskwelahan.
via || Bombo LJF
