DAVAO CITY – Patay ang usa ka Sangguniang Kabataan (SK) Kagawad human misukol ngadto sa mga tinugyanan sa balaod atol sa gilusad nga buy bust operation.
Wala na maka-abot nga buhi sa Southern Philippines Medical Center (SPMC) ang biktima nga usang Remart Durias Duran, alyas Kagid, 23 anyos, residente sa Barangy 28-C, Gov. Sales St., ning dakbayan sa Davao.
Nasayran nga mga alas 10:30 kagabii nagpahigayon ug drug buy-bust operation ang Sta. Ana Police Station sa pangunguna ni Police Major Michael Uyanguren ug ang suspek mitunol ug illegal nga druga ngadto sa poseur buyer bugti sa buy bust money.
Human masayri sa suspek nga pulis ang iyang ka-transaksyon mibunot kini sa iyang .22 nga home made nga armas ug gipabothan ang pulis.
Maayo na lamang kay nakahupo ang mga police nga gilayon mibalos ang suspek nga naigo sa iyang abaga ug natumba apan naningkamot pa gihapon sa pagpunit sa nalagpot niya nga armas ug subli nga gipabuthan ang kapolisan.
Upat ka sachet sa shabu ug duha ka stick sa marijuana ang nasakmit gikan sa suspek.
Dugang pa ni Police Major Uyanguren nga ang suspek dihang menor de edad pa nahilambigit na kini sa pagpanglungkab sa mga balay pamatigayon sa dalang Uyanguren.
Karong bag-o subli sumala pa kini nga nakuha-an ug footage sa dihang langlungkab ug balay pamatigayon sa Uyanguren diin nakakuha kini ug dakung kwarta.
