DAVAO CITY – Luwas ug anaa na sa maayo ang kahimtang sa siyam ka mga indibidwal diin kalakip niini ang duruha ka bata human nga na-trap ang mga nahisgutan sa usa ka busay sa Sitio Pulang Bato, Barangay Carmen human nga kalit na lamang nga misaka ang tubig hatud sa pagbaha.
Kahinumduman nga naabtan ang mga nahisgutan ug ngitngit kagahapon, hinungdan nga nalisdan ang mga rescue team sa pagluwas sa mga biktima.
Gikanayong baga sab ang gabon kagabi-e sa maong dapit hinungdan nga wala sab dayon nasubay sa mga personahe sa Davao City 911 emergency ug sa urban search and rescue team ang dapit nga gikabutngan sa mga biktima.
Una niini, nakapangayo pa ug pakitabang ang usa ka Inna-Arcamo-Barcebal pinaagi sa pagpost sa iyang mensahe sa facebook human nga na-trap sila sa ilang gi-adtuan nga busay human nga misaka sumala pa ang tubig ug dili sila ka tabok sa tulo ka mga sapa.
Gitabang ug una sa mga rescuers ang mga bata dayon gisunod ang mga hamtong nga susamang anaa karon sa maayo ang ilang kondisyon.
