DAVAO CITY – Kasamtangang nagpaayo sa Hospital ang walo ka mga biktima sa nahitabong disgrasya sa may Sitio Uraya, Barangay Sto. Nino, Talaingod, Davao del Norte, niadtong Sabado sa hapon.
Ang susamang disgrasya sab ang gikamatyan sa 21 anyos nga construction worker nga si Romeo Gallo Jr.
Giila sab ang mga samaran nga sila Christopher Aga, 16 anyos; Jeson Habana,28 anyos; Norbin Cinon,19 anyos; Michael Talino 23 nyos; Marvin Loenes, 27 anyos; ug ang amahan sa namatay nga biktima nga si Romeo Gallo Sr., 50 anyos.
Subay sa imbestigasyon sa Talaingod Police, nagagikan ang gisakyan nilang dumptruck sa probinsya sa Bukidnon paingon Talaingod nga gimanehoan sa usa ka Mike Glee Sombreo, 26 anyos.
Karga sa maong six wheeler ang mga bato apil ang mga sakay niini. Sa dihang nawad-an kini ug brake ug dayong natumba ang ilang gisakyan.
Mga bun-og ug samad ang ilang nahiaguman human sa maong insidente maong dali-dali silang gitabang sa Kapalong District Hospital, apan nadeklarang dead on arrival ang ilang kaubanang si Gallo Jr.
Mag-atubang ug kaso ang drayber sa maong truck nga gikustodiya na sa kapulisan.
via || Bombo LJ Florendo
