DAVAO CITY = Sayo palang gibantayan na sa otoridad ang mga nagkadaiyang simbahan sa katoliko ning siyudad dungan sa pagsugod sa Misa de gallo karong adlawa nga kabahin na sa tradisyon sa mga Pinoy.
Una ng gipahimangnoan ni Davao City Police Office (DCPO) Director Pol. Col Kirby John Kraft ang iyang mga sakop nga bantayan ang mga simbahan ilabi na ang San Pedro Cathedral nga sagad maoy dagsaon sa mga manimbahay.
Una ng nagpahimangno ang nahisgutan nga aron pabilin nga luwas ug malinawon ang santos nga misa ug aron dili ma-disturbo ang mga church goer, kinahanglan nga motamud kini sa mga pahimangno sama na lamang sa dili pagdala ug mga transparent nga tumbler, pagsuot ug jacket ingon man pagdala ug dagko nga bag.
Hugtanon sab nga ipatuman sa otoridad ang minimum health standard partikular na ang social distancing sa mga manimba ingon man ang pagsuot ug facemask.
Doble amping sab karon ang siyudad ilabi na nga nakasulod na karon sa nasud ang bag-ong variant sa covid-19 nga omicron nga gikanayong mas paspas nga mukatag ug makatakod.
Samtang nagpahimutang sab ang kapulisan Police Assistance Desk diin mamahimong moduol ang mga manimbahay kung adunay mga pangutana.
