Mitaliwan na ang iladong bisdak vlogger nga si Lola Wending sa edad nga 81-anyos kaniadtong Dominggo sa gabie, Disyembre 29 ning tuiga subay sa nahimong kumpirmasyon sa iyang apo nga si Irven, gumikan gikapoy na matud pa kini sa iyang sitwasyon.
Naila si Lola Wending gumikan sa mga vlogs niining nakapahimuot sa mga tigtan-aw niini hilabi na usab ang mga bonding niini sa iyahang mga apo.
Sa maong post, nagbangutan ang maong kabanay sa lola ug dili kini makadawat sa kamatayon niini.
Gikumpirma usab sa apo niini nga kaniadtong gabhiona, ayha kini namatay, namatikdan nila niining nagalingasa kini, naglimbag-limbag sa higdaan ug mubangon-higda sa higdaan ingon man nga gihangak usab kini og ginhawa.
Sumala ni Irven, ilaha pang gidala si Lola Wending sa emergency room sa usa ka hospital apan pila ka minuto ang milabay, nakabsan kini og kinabuhi.
Sigon niini, mingawon usab kini pag-ayo sa giingong lola samtang kahinumduman ang mga memories niini kaniadtong bata pa.
