DAVAO CITY – Mo-abot sa siete mil ka mga pangalan ang gipapa sa Commission on Elections (COMELEC) gikan sa voters list sa dakbayan sa Dabaw.
Kini human gi-limpyohan sa COMELEC ang ilang database isip pagpangandam sa nagsingabot nga barangay ug Sanguniang Kabataan (SK) elections karong bulan sa Mayo.
Gikaanyon ni COMELEC-Davao election assistant Maysah Casar, kinatibuk-ang 7,735 ka mga botante ang giwagtang gikan sa listahan diin 5,073 niini gikan sa first district; 1,552 sa second district, ug 1,146 sa third district.
Dugang pa sa COMELEC official nga tumong niini nga malimpyuhan ang ilang listahan gikan sa mga double registrants ug mga botante nga nangamatay na.
Pinaagi sumala pa sa Automated Fingerprint Identification System (AFIS), dali na lang ma-detect kadtong mga double registrants.
Apil sa cleansing ang mga botanteng pakyas maka-botar sa nakalabay’ng duha ka mga eleksiyon.
Subay sa final report sa COMELEC-Davao, moabot sa 923,540 ang registered voters sa syudad alang sa 2018 nga eleksiyon diin 369,962 niini gikan sa first district, 287,782 sa second district, ug 265,796 sa third district. Mitala usab ang COMELEC-Davao ug 300,037 registered SK voters, diin 115,919 sa first district, 95,797 second district, ug 88,321 sa third district. Mipahimangnon usab ang COMELEC batok sa mga flying voters.
