DAVAO CITY – Kabsan sa kinabuhi ang siete anyos nga batang babaye human kini nalumos didto sa Seaside, Bago Aplaya, kagahapon sa udto.
Saysay sa inahan nini nga samtang nangaligo kini kauban ang iyang igsuon sa nahisgutang dagat, nag prank pa kini nga matud pa nalumos busa alang sa ikaduha niining pag-ingon wala na sila nanoo.
Dali pa kining narespondehan sa mga personahe sa City Disaster Risk Reduction and Management ug gani nadala pa kini sa balay tamblanan apan nakabsan gihapon kini sa kinabuhi.
Ning kasamtangan, anaa sa punerarya ang patayng lawas sa nahisgutang bata.
Samtang, pahimangno usab ang mga otoridad sa publiko nga mag amping sa pagkaligo sa dagat, lakip na ang pagbantay sa mga ginikanan o guardian sa ilang mga anak aron malikay sa susamang insidente ilabi na ning panahuna walay klase ang mga kabataan.
