DAVAO CITY – Target sumala pa sa Serbisyo Caravan sa Provincial Government sa Davao Oriental nga ma-cater ang laing 100 ka mga Barangay.
Ang nahisgutan nga Caravan gidisenyo aron nga mahatag ang mga serbisyo sa kagamhanan paingon sa grassroots level ilabi na sa mga areas nga dakong bahad sa insurhensiya aron nga mahigmata ang komunidad batok sa impluwensiya sa New People’s Army (NPA).
Una ng gibutyag sa chief of staff ni Gov. Nelson Dayanghirang nga si Ednar Dayanghirang nga plano sa gobernador nga palapdan pa ang ilang caravan program sa uban nga barangay aron nga daghanan ang mahatagan ug serbisyo diin pagasugdan kini sa mosunod nga bulan.
Sa Davao Oriental, aduna sumala pay kinatibuk-ang 183 barangay diin 50 na ang ilang naserbisyon sa milabay nga tuig ilalim sa maong programa.
Kalakip sa caravan ang relief goods distribution, medical assistance, transactions sa nagkadaiyang ahensiya aron nga dili na moadto pa sa downtown ang mga residente sama na lamang sa vehicle registration gikan sa Land Transportation Office (LTO) ug lecture.
Ang maong Caravan adunay duruha ka phases; ang unang hugna mao ang pagpahibalo sa mga residente nga andam motabang kanila ang gobyerno aron nga mahatag ang ilang panginahanglanon samtang ang ikaduhang hugna mao ang pagpatuman sa sustainable programs pinaagi sa paghatag ug education scholarship, livelihood ug daghanan pa.
