Davao City – Kasong homicide ang atubangon sa driver nga nakabangga patay sa usa ka senior citizen samtang angol ang laing duha ka batang biktima, kaganinang buntag sa Matanao, Davao del Sur.
Subay sa police report, kabsan sa kinabuhi ang usa ka 66 anyos nga lalaki homan kini mabang-gaan sa usa ka motorsiklo alas 9:20 ang takna kaganinang buntag
Naila ang biktima nga si Carmelito Bariga Canillo, 66 anyos, minyo kinsa residente sa Brgy. Lower Marber, Matanao, Davao del Sur.
Base sa imbestigasyon, sakay si Canillo sa iyahang motorsiklo angkas niini ang iyang duha ka mga anak nga babaye nga nailang si Lyca, 9 anyos ug Desery, 6 anyos. Padulong matod pa sa Sitio Santol, Brgy Poblacion, Matanao, Davao del Sur ang mga biktima apan pag abot sa lugar, kalit matod pa nga mingliko si Canillo, hinungdan sa pagkasalpoksa nagsunod nga motorsiklo gimaneho sa usa ka Jules Harod Torres, 19 anyos, studyante kinsa residente sa Brgy. New Murcia, Matanao, Davao del Sur.
Gumikan sa nahiagoman nga daghang samad ni Canillo sa iyahang nawong ug ulo, wala na kini natabang pa sa attending physician sa balay tambalanan samtang injured usab ang mga anak nga sakay sa biktima homan kini nga nangalagpot.
Gikustodiya na sa Matanao Municipal Police Station ang motorsilo lakip na ang drayber nga naka bangga sa namatayng biktima alang sa tukmang disposasyon.
