Nakabsan na sa kinabuhi ang usa ka edaran nga babae nga nagpaalim sa ospital human nga nabanggaan kini sa usa ka SUV samtang mitabok kini sa karsada kagahapon pasado alas tres sa hapon.
Sa gipagawas nga report sa Davao City Police Office, nabugtuan na sa kinabuhi ang senior citizen nga usa ka byuda tungod sa naangkon nga grabeng angol sa iyahang kalawasan pasado alas Onsi kagabii sa SPMC.
Kahinumduman nga subay sa report sa mga otoridad nga nitabok ang usa ka edaran nga babaye nga si Petra Noblefranca Cawthorne 77-anyos sa pedestrian lane sa Brgy.Vicente Hizon, Lanang ning syudad apan kalit kining nabanggaan sa usa ka kolor pula nga pribadong sakyanan. Sa gihimong imbistigasyon sa mga otoridad, wala sumala pa nabantayan sa drayber sa SUV nga si alyas Joy nga taga Tagum City ang pagtabok sa biktima hinungdan nga nabanggaan kini.
Tungod sa pagka bangga nakaangkon og bun-og sa lawas ang biktima nga dali usab nga gitabang sa mga miresponding rescuers. Samtang atol usab sa maong panghitabo, gibutyag sa kaubang pedestrian sa biktima nga hapit usab kini nabanggaan sa sakyanan, apan maayo na lamang tungod nakabantay kini.
Dugang pa sa drayber sa SUV, giserbatuhan sumala pa niini ang mga biktima ayha paman nahitabo ang pagkabangga. Hinuon ang pasyente ang anaa na sa luwas nga kahimtang samtang misaad ang wala panganli nga nakabangga nga abagahon ang galastuhan sa ospital.
Tungod sa maong panghitabo, nagtambag karon ang mga otoridad nga mahimong alerto kanunay sa pagpamaneho sa mga sakyanan ug mominor sa mga pdestrian lane. Samtang alang sa mga pedestrian kinahanglan nga sutaon una nga walay naghaguros nga mga sakyanan una motabok sa karsada.
