Nagpadayon pa gihapon nga nagpatambal ang biktima sa pagpamusil sa Digos City.
Sumala pa sa kapulisan nga karon anaa na sa luwas nga kahimtang ang biktima human nga nakaangkon ug samad pinusilan sa likod nga bahin sa iyahang lawas.
Samtang karon padayon pang ginapangita ang suspek nga kaipon ra usab sa anak sa biktima. Kahinumduman nga nakadawat og report ang kapulisan sa Barangay Kapitan kabahin sa nahitabo sa Purok 7, Barangay San Roque, Digos City. Gilayon nga girespondehan ang maong panghitabo ug gipahigayon ang imbistigasyon.
Giila ang biktima nga si “Reynato”, 72-anyos, nga residente sa nasampit nga lugar.
Sumala pa sa biktima nga nahitabo ang pagpamusil pasado ala-una sa kaadlawon diin kaduha sumala pa kining gipusil sa suspetsado nga si alias “K” sa wala matino nga armas. Human sa maong panghitabo dali nga misibat ang suspek.
Nakaangkon og samad pinusilan ang biktima sa tuo nga bahin sa iyahang likod. Nag-awhag karon ang otoridad kung si kinsa ang nakaila sa suspetsado nga isumbong sa duol nga kwerpo sa kapulisan.
