Kabsan sa kinabuhi ang usa ka senior human kini gipusil sa wala pa mailhing suspetsado kagahapon sa hapon, Enero 21, 2026, sa Purok 7, Poblacion, Compostela, Davao de Oro.
Giila sa kapulisan ang biktima nga si Eddie Capol, 62-anyos ug residente sa maong lugar, sumala sa pakighinabi ni PLTCOL Jason Baria, Acting Chief of Police sa Compostela Municipal Police Station.
Base sa inisyal nga imbestigasyon, kalit lang giduol ug gipusil si Capol samtang naglingkod gawas sa usa ka tindahan.
Pagkahuman sa insidente, dali nga miikyas ang lalaking suspetsado padulong sa New Bataan, ug gidudahang aduna kini kauban nga nag-atang sa dalan.
Samtang kini, nagpahigayon na og hot pursuit operation ang mga otoridad ug padayon ang imbestigasyon aron masuta ang tinuod nga motibo, nga gitutokan karon isip personal grudge.
Gipahimangnoan sa kapulisan ang publiko nga magbantay ug ihatag dayon ang impormasyon kon adunay kaila nga makit-an nga suspek.
