DAVAO CITY – Tingkagol sa karsel ang usa ka Senior Citizen gumikan sa iligal nga droga homan nasakpan checkpoint samtang pasulod sa Davao City.
Giila sa otoridad ang dinakpan nga si Johnny Yuhico Jr., 61-anyos ug residente sa 339 MC Arthur Highway, Matina, Davao City.
Pasado 4:30 kaganihang kaadlawon dihang pasulod sa Davao ang suspek sakay sa usa ka puti nga Toyota Revo diin namatikdan sa mga personahe sa Task Force Davao ug Davao City Police Office nga dunay kini dalang kontrabando.
Narekober gikan kang Yuhico Jr. ang 0.4 gramos sa gituohang shabu nga nagkantidad og P6,400.00 lakip na ang drug paraphernalia.
Gikustodiya na sa Toril Police Station ang suspek alang sa tukmang disposisyon og gikatakdang pasakaan karong adlawa og kasong pagsupak sa RA 9165.
