Gipadala sa 10th Infantry (Agila) Division sa Philippine Army ang 45 ka bag-ong nadistino nga mga Second Lieutenants alang sa field deployment human sa ilahang Pagkompleto sa Platoon Leaders Orientation Training (PLOT) sa usa ka Send-Off Ceremony nga gipangulohan ni Major General Alvin Luzon, Commander sa 10ID, kauban ang mga senior officers ug key staff sa Division, sa Balunto Hall, Camp General Manuel T. Yan Sr., Mawab, Davao de Oro.
Ang mga opisyal nga ihap ang gilangkuban sa 39 ka mga lalaki ug unom ka mga babaye nga nakompleto ang PLOT, usa ka pre-deployment course nga nagpalig-on sa ilahang leadership, decision-making, ug operational readiness alang sa ilahang tagsa-tagsa ka unit.
Gipahimangnoan ni Maj. Gen. Luzon ang mga lieutenants nga ang liderato magsugod sa responsibilidad ug serbisyo.
Partikular niini ang pag-amoma sa kaugalingon,ngadto sa mga sundalo, ug ang pamilya, ug ang uban pa nga mosunod sa han-ay.
Gihangyo usab sa opisyal, ang mga bag-ong mogradwar, nga mangulo uban ang pagpaubos, disiplina, ug determinasyon.
Gipadayag niiini ang pagsalig nga ang bag-ong mga lieutenants molihok nga epektibo isip frontline leaders nga nabmggulo sa mga sundalo uban ang kaisog, integridad, ug pagtutok sa misyon aron nga magpalig-on sa operational readiness sa Agila Division ug mosuporta sa mandato sa Armed Forces of the Philippines sa pagpanalipod sa nasud.
